Policia parandalon një konflikt mes nxënëseve

Policia e Kosovës ka parandaluar një konflikt brenda një objekti shkollor në Prishtinë.

“Ndërhyrja me kohë dhe me profesionalizëm, e zyrtarëve të stacionit policor Qendra në Prishtinë, parandaloi përshkallëzimin e një konflikti në mes të disa nxënësve”, thuhet në njoftimin e Policisë.

Policia ka shoqëruar katër persona në polici, pas informative që nxënësit kishin lënë një takim për ta “zgjidhur” një mosmarrëveshje.

“Pas përfundimit të intervistimit, në prezencë të zyrtarit të Qendrës për Punë Sociale, prindërve të nxënësve të përfshirë, personat e dyshuar janë proceduar më tej, në koordinim me prokurorin për të mitur”.

“Vlerësojmë shumë, kontributin e secilit qytetar. Bashkëpunimi juaj me Policinë e Kosovës, po ndikon dukshëm në parandalimin e dukurive negative”. /Shqip.com