Policia arreston një person, kishte sulmuar nënën e tij
Shqip
Policia e Kosovës mbrëmë në komunën e Prizrenit ka arrestuar një person të gjinisë mashkullore, pasi i njëjti dyshohet se ka sulmuar fizikisht nënën e tij.
Rasti thuhet se ka ndodhur pas një mosmarrëveshje mes të dyja palëve. I arrestuari ka shkaktuar edhe dëmtime në shtëpi.
“Është arrestuar i dyshuari mashkull kosovar pasi që i njëjti dyshohet se për shkak të një mosmarrëveshje, ka sulmuar fizikisht viktimën femër kosovare-nënën e tij, dhe po ashtu ka shkaktuar dëmtime në shtëpi”, thuhet në njoftim e Policisë së Kosovës.
Rasti ka ndodhur mbrëmë rreth orën 21:30.
Ndërsa, me vendim të prokurorit, i dyshuari është dërguar në mbajtje. /Shqip.com
