Pacolli së bashku me Zyben takohen me Ramën, i paraqesin disa kërkesa të Komisionit për Mjedis
Shqip
Deputetja e Kuvendin të Kosovës, Fitore Pacolli, ka paraqitur disa kërkesa për komunën e Prishtinës.
Pacolli në cilësinë e Kryetares së Komisionit për Mjedis, Ushqim, Bujqësi, Planifikim dhe Zhvillim bashkë me deputetin, Salih Zyba, janë takuar me Kryetarin e Komunës së Prishtinës Perparim Rama.
“Ne paraqitëm para Kryetarit shqetësimet që qytetarët e Komunës së Prishtinës kanë adresuar në Komision. Ne e njoftuam se Ndërmarrja Publike Prishtina Parking po shkel të drejtat e qytetarëve në baza ditore përmes veprimeve të jashtëligjshme. Veprimet e “Prishtina Parking” bien në kundërshtim me Ligjin për ndërtesat e banimit në bashkëpronësi”, ka shkruar ajo.
Pacolli gjithashtu ka bërë të ditur se kanë kërkuar që urgjentisht të ndërpritet shfrytëzimi i hapësirave rezidenciale për përfitim të shumëfisht.
“Prishtina Parking përfiton pagesë nga banorët rezidencial dhe në të njëjtën kohë i lëshon ato për shfrytëzim për ata jorezedencial. Parking Prishtina në mënyrë të jashtëligjshme përfiton nga të dy palët”, ka thënë ajo.
Deputetja e LVV-së ka thënë se ka kërkuar edhe të ndërpritet shqiptimi i dënimeve, vendosja e bllokadave, konfiskimi i veturave nga Prishtina Parking dhe pranimi i pagesës së dënimeve me para në dorë pa u definuar saktë kompetencat e Prishtina Parking.
“Prishtina Parking përfiton para nga këto dënime ndërsa transparenca se ku përfundojnë këto para është zero”, ka shkruar ndër të tjera ajo.
Pacolli ka kërkuar nga kryetari Rama që të ketë qasej edhe në këto dokumenta.
1. Autorizimin për bllokimin dhe e veturave me të cilin vepron “Prishtina Parking”;
2. Rregulloret e brendshme të ndërmarrjes;
3. Të gjitha dokumentet nga Drejtoria e Kadastrit që vërtetojnë të gjitha parcelat për shfrytëzimin e hapësirave nga “Prishtina Parking”;
4. Dokumentat që definojnë karakterin e rrugës “B”, në veçanti shiritat anësor.
Së fundmi ajo ka treguat se kryetari ka pranuar kërkesat e tyre dhe i ka premtuar se shqetësimet e qytetarëve do të adresohen./Shqip.com
