Osmani dekreton buxhetin për vitin 2022

Presidentja e Kosovës, Vjosa Osmani, ka dekretuar të enjten Ligjin për buxhetin e Kosovës për vitin 2022. 

“Presidentja e Republikës së Kosovës, Vjosa Osmani, në mbështetje të nenit 80 (2) dhe nenit 84 pikat (4 dhe 5) të Kushtetutës së Republikës së Kosovës, ka dekretuar shpalljen e Ligjit Nr. 08/L-066 mbi ndarjet buxhetore për buxhetin e Republikës së Kosovës për vitin 2022, të miratuar nga Kuvendi i Republikës së Kosovës, më 17.12.2021, dhe i pranuar nga Zyra e Presidentes së Republikës së Kosovës, më 29.12.2021”, thuhet në dekretin e Presidentes Osmani.

Miratimi i buxhetit në lexim të dytë kaloi në Kuvendin e Kosovës më 17 dhjetor, me 65 vota pro.

Buxheti i planifikuar për vitin e ardhshëm është 2 miliardë e 748 milionë euro.

Në buxhetin e vitit 2022 janë ndarë:

20 milionë euro janë ndarë për skemën e punësimit të garantuar për të rinj.

45 milionë euro për shtesat për lehonat dhe fëmijë.

35 milionë euro për skemat sociale e pensionale.

Kurse sa i përket investimeve:

40 milionë euro janë ndarë për prodhuesit vendorë

40 milionë euro për ri-ngritjen e ndërmarrjeve publike

Mbi 700 milionë euro për sektorin e arsimit, shëndetësisë, kulturës, infrastrukturës e sigurisë./SHQIP.com