Osman Azemi tregon se pse Stupcat i ndanë rrugët pas 20 vitesh

Kasti i humorit “Stupcat” kanë ndarë rrugën.

Ky lajm tashmë është konfirmuar edhe nga aktori, Osman Azemi.

I ftuar në Prive ai i është përgjigjur 50 pyetjeve që lidhen me jetën e tij personale dhe profesionale.

Ai tha këtë e kanë vendosur të tre pasi kanë vendosur me pushu.

“Më 31 dhjetor të vitit 2000 Stupcat janë shfaqur për herë të parë në KTV edhe kemi rrugëtuar shumë mirë, kemi punuar shumë, ndoshta gjatë rrugës kemi mundur ndonjëherë të gabojmë diçka sepse humori ndonjëherë është pak me ‘të friku’. Edhe kemi pasur shumë sukses. Unë i falënderohem shumë këtij profesioni, mi ka dhënë të gjitha, më ka dhënë shumë, më ka marrë shumë. Edhe Stupcat e kanë parë të arsyeshme pak me pushu”, ka thënë Osmani.

Tutje, si është përgjigjur duke thënë se arsyeja e angazhimit në projekte vetanake, e bëri rolin e tij ikonik nga Stupcat, ‘tetën Gjyli’ që të “divorcohet”.

“Po, ‘Gjyla’ pas 22 vitesh martesë është divorcuar sepse ‘Gjyla’ ka kuptuar që nuk po mundet të jetë vetëvetja, nuk po mundet t’i realizojë ëndrrat e veta. Normal që ‘Gjyla’ nuk ish dashur të divorcohej por rrethi, gjithmonë duke i frikuar mos po gabon diçka, dhunë psikike, dhunë fizike, edhe në fund thotë: Unë do të divorcohem, sepse merr guximin”, tha Azemi.

Ashtu si Osmani që po vazhdon projektet e tij individuale, edhe Vedat Bajrami po vazhdon të jetë i angazhuar.

Ai është duke marrë pjesë në një film turk xhirimet e të cili janë duke vazhduar në Turqi./SHQIP.com