Ora e re e Samsung vjen me një veçori të nevojshme për shëndetin

Samsung ka njoftuar se funksioni i njoftimit të ritmit të parregullt të zemrës do t’i shtohet funksionit të EKG-së, duke ndihmuar përdoruesin të gjurmoj ritmet jonormale të zemrës dhe të njoftohet kur të ndodhë një e tillë.

Funksioni do të debutojë në sistemin operativ One UI 5 Watch që pritet të jetë i instaluar në orën e re që mund të dal në shitje nga korriku.

One UI 5 Watch do të dërgohet si përditësim edhe në serinë Galaxy Watch5 dhe familjen Galaxy Watch4.

IHRN monitoron në mënyrë proaktive ritmet e zemrës që sugjerojnë fibrilacion atrial (AFib). AFib është një lloj aritmie që konsiderohet një shenjë paralajmëruese për çështjet kryesore kardiovaskulare që mund të rrisin rrezikun e goditjes në tru, dështimit të zemrës dhe komplikimeve të tjera.

Disa raste AFib janë asimptomatike apo edhe të heshtura, që do të thotë se ju mund ta keni atë dhe të mos jeni në dijeni që e keni.

Pasi të aktivizohet në aplikacionin Samsung Health Monitor, funksioni do të kontrollojë për ritme të parregullta të zemrës në sfond dhe nëse një numër i caktuar matjesh të njëpasnjëshme janë të parregullta, ora do t’ju paralajmërojë për aktivitetin e mundshëm të AFib, duke ju bërë të bëni një EKG për më shumë matje e saktë.