Një foshnje në mesin e 52 pacientëve që po trajtohen nga COVID-19 në klinikat dhe spitalet në Kosovë
Shqip
Nga një numër shumë i lartë i pacientëve të cilët po merrnin trajtim në Spitalet e Përgjithshme dhe Klinikat në Kuadër të Qendrës Klinike Universitare të Kosovës, numri i pacientëve ka rënë dukshëm.
Duke u bazuar në të dhënat e Shërbimit Spitalor, Klinik e Universitar të Kosovës, në këto klinika dhe spitale tani janë duke marrur trajtim nga COVid-19 vetëm 52 pacient.
Në mesin e 52 pacientëve është edhe një foshnje në Klinikën e Neonatologjisë.
Numrin e pacientëve të shtrire e ka Klinika Infektive në QKUK. 19 pacientë janë në këtë klinik dhe një tjetër është në Mjekim Intensiv me oksigjenoterapi.
52 pacientë me Covid-19 janë në trajtim në kuadër të klinikave të QKUK-së dhe spitaleve të përgjithshme, bazuar në raportet e datë 13 gusht 2022.
Raporti i datës 13 gusht 2022, sipas klinikave dhe spitaleve të përgjithshme:
Klinika Infektive, 19 pacientë + 1 në Mjekim Intensiv me oksigjeno-terapi
Klinika e Pediatrisë, 2 pacientë
Klinika e Gjinekologjisë, 2 pacientë
Klinika e Neonatologjisë, 1 foshnje
Mjekim Intensiv Qendror, 2 raste
Spitali i Gjakovës, 8 pacientë
Spitali i Prizrenit, 3 pacientë
Spitali i Pejës, 9 pacientë
Spitali i Gjilanit, 5 pacientë.
Nga raporti i djeshëm i SHSKUK-së, në këto spitale dhe klinika, kanë qenë duke marrur trajtim gjithsej 62 pacientë/Shqip.com
