Nga 1 janari, Kroacia në Eurozonë

Më 1 janar, Kroacia bashkohet me eurozonën, duke u bërë anëtari i 20-të i bllokut një-monedhësh.

Krahas kësaj, mund të theksohet se bashkimi i Kroacisë me anëtarët e Eruozonës nuk është një moment i mirë për shkak se vlera e Euro-s ka rënë kundrejt dollarit amerikan.

Banka Qendrore Evropiane është në një kryqëzatë kundër inflacionit, e cila po bën që ekonomia të ngadalësohet.

Megjithatë, ministri kroat i Financave Marko Primorac është optimist.

“Ne jemi të sigurt se normat e interesit dhe kostot e huamarrjes në përgjithësi do të rriten në kohën e duhur. Megjithatë, ne jemi të sigurt se rritja për Kroacinë do të ishte shumë më e ulët sesa po të mos bashkoheshim me eurozonën”, tha Primorac për Politico.

“Ne gjithashtu parashikojmë dhe presim që kjo të pasqyrohet pozitivisht në kostot e huamarrjes,” tha Primorac.

Kroacia, vendi i fundit që u bashkua me BE pothuajse një dekadë më parë, po bëhet anëtari i parë i ri i zonës euro që kur tre vendet balltike, Estonia, Letonia dhe Lituania, braktisën monedhat e tyre kombëtare më 2011, 2014 dhe 2015.

Kroacia do të fitojë gjithashtu një vend në tryezën e Këshillit Qeverisës të Bankës Qendrore Evropiane dhe është në procesin e ratifikimit të traktatit të Mekanizmit të Stabilitetit Europian, me shpresë deri në janar, tha Primorac.

“Kur vjen puna te mburoja shtesë, e cila do të jetë atje duke u bashkuar me Mekanizmin Europian të Stabilitetit, ne gjithashtu e shohim këtë si përfitim shtesë për ekonominë kroate,”

Kur vjen puna te marrja e propozimeve të Komisionit për të rinovuar rregullat fiskale, Primorac u tërhoq nga kritika, duke vlerësuar në vend të kësaj atë që ai e quajti “një hap të mirë përpara”.

Ai shtoi se e kuptonte nevojën e vendeve për të investuar më shumë në projektet e mbrojtjes apo të gjelbërta.