Nesër Kurti pret në takim Lajçakun
Publikuar:
(05.12.2022 22:32:59)
Kryeministri i Kosovës, Albin Kurti do të takohet me emisarin e Bashkimit Evropian për dialogun Kosovë-Serbi, Miroslav Lajçak.
Siç ka njoftuar zyra e kryeministrit, takimi do të fillojë në orën 09:00 gjatë ditës së nesërme në ndërtesën e Qeverisë.
“Agjenda e Kryeministrit të Republikës së Kosovës e datës 6.12.2022. Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák”, thuhet në njoftimin e ZK-së.
Kujtojmë se gjatë ditës së sotme, Lajçak është takuar edhe me presidentin e Serbisë, Aleksandër Vuçiq.
Sipas Lajçakut, në këtë takim me presidentin e Serbisë është diskutuar edhe për kthimin e serbëve të Kosovës në institucionet shtetrore.
/Shqip.com
