Nesër KQZ mban mbledhje për miratimin e qendrave të votimit
Publikuar:
(13.04.2023 17:05:24)
Komisioni Qendror i Zgjedhjeve nesër do të mbajë mbledhje duke filluar nga ora 13:30.
Lajmin për Shqip.com, e konfirmoi zëdhënësi i KQZ-së, Valmir Elezi.
“Ju njoftoj se mbledhja e radhës e Komisionit Qendror të Zgjedhjeve mbahet të premten, më 14 prill, me fillim në orën 13:30. Në rend të ditës është planifikuar që nga anëtarët e KQZ-së të shqyrtohen dhe miratohen disa çështje në kuadër të përgatitjes së zgjedhjeve të 23 prillit”, tha ai.
Në rend të ditës është edhe shqyrtimi dhe miratimi i qendrave të votimit në komunat Mitrovicë e Veriut, Zveçan, Leposaviq e Zubin Potok.
Kjo mbledhje ishte paraparë të mbahej të martën mirëpo u shtye për shkak se anëtarët e KQZ-së kanë kërkuar më shumë informacione për disa pika të rendit të ditës.
/Shqip.com
