Nënshkruhet memorandumi për implementimin e vendosjes së ngjitësve (stikerave)

Është nënshkruar memorandumi për implementimin e vendosjes së ngjitësve (stikersave) në xhamat e automjeteve.

Marrëveshja është nënshkruar nga Guvernatori i Bankës Qendrore të Kosovës, Fehmi Mehmeti, zëvendësministri i Mjedisit, Planifikimit Hapësinor dhe Infrastrukturës, Hysen Durmishi, drejtori i Byrosë Kosovare të Sigurimit, Sami Mazreku, si dhe Genc Hamzaj nga Agjencia e Regjistrimit Civil.

“Drejtori i BKS-së Sami Mazreku, ka falënderuar Guvernatorin e BQK-së, Fehmi Mehmetin, Zëvendësministrin Durmishi dhe ARC-në, për angazhimin që kanë pasur ditëve të fundit për implementimin e këtij projekti shumë të rëndësishëm, i cili për qëllim ka uljen e numrit të automjeteve të paregjistruara në vend”, thuhet në njoftim.

Gjithashtu u bë e ditur se fillimi i zbatimit të këtij projekti do të nisë të martën përmes një ceremonie me fillim nga ora 13:00 në zyrat e ARC-së, ku do të vendoset ngjitësi (stikersi) i parë në prani të mediave.