Messi në Arabinë Saudite, reagon babai i tij

Jorge Messi është shprehur për të ardhmen e afërt të djalit të tij, Lionel Messi. Pas disa orëve të ngarkuara, në të cilat ka pasur raportime të ndryshme që siguronin se argjentinasi kishte arritur një marrëveshje të plotë me Al Hilal të Arabisë Saudite, babai i yllit argjentinas ka lëshuar një deklaratë në të cilën bën të qartë se, siç ka bërë të ditur tashmë “SPORT”, Leo nuk do të vendosë asgjë për të ardhmen e tij derisa të përfundojë kampionati me PSG.

Njoftimi i plotë i Jorge Messit:

“Nuk ka absolutisht asgjë, me asnjë klub për sezonin e ardhshëm. Vendimi nuk do të merret kurrë para se Lionel të përfundojë kampionatin me PSG-në. Pasi të përfundojë sezoni, do të jetë koha për të analizuar dhe parë se çfarë ka, dhe më pas për të marrë një vendim.

Ka gjithmonë thashetheme dhe shumë e përdorin emrin e Lionel për të fituar famë, por e vërteta është vetëm një dhe mund të sigurojmë se nuk ka asgjë me askënd. As marrëveshje verbale, as e nënshkruar, as e rënë dakord. Dhe nuk do të ketë deri në fund të sezonit.

Mua më duket mungesë respekti të mediave për veten, sepse ka nga ato që mashtrojnë me vetëdije dhe qëllim, pa dhënë asnjë provë për pretendimet e tyre. Ato duan ta kthejnë çdo thashetheme keqdashëse në lajm ose që drejtohet nga dikush në favor të interesave të tyre. Ato do të duhet të shpjegojnë pse nuk e saktësojnë informacionin… Ato nuk duan që një e vërtetë t’iu prishë ‘lajmet’”.