Mbrojtja e Ukrainës varet nga sasia me municion të armëve

Ukraina ka thënë në mënyrë të përsëritur se kishte nevojë për më shumë armë të rënda, artileri, sisteme raketash dhe pajisje të teknologjisë së lartë për të ndihmuar në përballimin e fuqisë dërrmuese të zjarrit të rusëve.

Siç raporton BBC, kjo paketë e fundit e mbështetjes ushtarake nga SHBA – e cila përfshin 18 pjesë artilerie howitzer, mijëra fishekë municioni, plus dy sisteme të mbrojtjes detare harpoon – është një hap tjetër në drejtimin e duhur për ukrainasit.

Në fjalën e tij të përnatshme, Presidenti Zelensky falënderoi për ndihmën.

“Unë jam mirënjohës për këtë mbështetje, është veçanërisht e rëndësishme për mbrojtjen tonë në Donbas”, tha Zelensky

Sipas Zelenskyt, kjo pako me armë është shumë e nevojshme në rajonin lindor – ku forcat ruse thuhet se po vazhdojnë përparimet e tyre të ngadalta, por të pamëshirshme.

Fokusi kryesor i përpjekjeve të tyre mbetet qyteti Severodonetsk, ku mijëra civilë janë ende të bllokuar.

Forcat ukrainase mendohet se po rezistojnë atje dhe kjo rezistencë është për sa kohë kjo ndihmë mund të shpenzohet./Shqip.com