Maqedonci e pret në takim lamtumirës atasheun ushtarak të Republikës Federale të Gjermanisë
Publikuar:
(13.04.2024 13:43:31)
Ministri i Mbrojtjes, Ejup Maqedonci e ka pritur në takim lamtumirës atasheun ushtarak të Republikës Federale të Gjermanisë, nënkolonel Franz Jozef Nolte.
Me këtë rast, për shërbimin e tij dhe kontributin e dhënë në avancimin e kapaciteteve të FSK-së, përmes realizimit të planit bilateral me Forcat e Armatosura të Gjermanisë dhe thellimit të bashkëpunimit me këtë shtet, ministri Maqedonci e dekoroi me “Medalje për shërbim të shquar”.
Ministri i uroi suksese nënkolonelit Nolte, në detyrën e tij të re, ashtu si dhe pasuesit të tij, nënkolonel Oliver Palkowisch, i cili është atasheu i parë rezident në Kosovë, i emëruar nga Republika Federale e Gjermanisë.
/Shqip.com