Rusët plaçkitin automjete bujqësore në vlerë prej pesë milionë dollarësh
Shqip
Trupat ruse në qytetin e pushtuar të Melitopolit kanë vjedhur të gjitha pajisjet nga një shitës i pajisjeve bujqësore dhe i kanë dërguar në Çeçeni.
Por pas një udhëtimi prej më shumë se 700 miljesh, hajdutët nuk ishin në gjendje të përdornin asnjë nga pajisjet – sepse ato ishin mbyllur nga distanca, shkruan CNN.
Gjatë javëve të fundit ka pasur një numër në rritje të raportimeve të trupave ruse që kanë vjedhur pajisje bujqësore, drithëra dhe madje edhe materiale ndërtimi – përtej grabitjes së gjerë të banesave.
Por heqja e pajisjeve bujqësore të vlefshme nga një përfaqësi e John Deere në Melitopol flet për një operacion gjithnjë e më të organizuar, një operacion që përdor edhe transportin ushtarak rus si pjesë e grabitjes.
CNN mësoi se pajisjet u hoqën nga një përfaqësi e Agrotek në Melitopol, e cila ishte e pushtuar nga forcat ruse që në fillim të marsit. Gjithsej vlerësohet rreth 5 milionë dollarë. Vetëm autokombajnat kushtojnë 300,000 dollarë secila./Shqip.com
