Rritet numri i civilëve të vrarë në Ukrainë nga bombardimet e forcave ruse
Shqip
Është në rritje numri i civilëve të vrarë në Ukrainë pasi trupat ruse janë duke vazhduar granatimin e qyteteve dhe kjo është duke ndodhur gjatë natës por edhe në orët e hershme të mëngjesit.
Në qytetin Sumy raportohet se janë vrarë 9 persona në mesin e tyre dy fëmijë. Kurse një grua është raportuar se ka mbetur e plagosur nga bombardimet e forcave ruse.
Në Mikolaiv është raportuar se 4 civilë janë vrarë ndërkaq 5 të tjerë janë plagosur.
Nga bombardimet në Kharkiv një ndërtesë është përfshirë nga zjarri duke lënë të vdekur katër persona. Zjarrfikësit kanë intervenuar në shuarjen e zjarrit për rreth 4 orë.
Emergjencat civile të Ukrainës kanë njoftuar se kanë arritur shuarjen e një zjarri në një depo të naftës në Kiev. /Shqip.com
