Raketat nga Bjellorusia godasin aeroportin, thotë zyrtari ukrainas
Publikuar:
(27.02.2022 19:24:23)
Këshilltari Anton Herashchenko i ministrit të brendshëm të Ukrainës ka thënë që raketa të lëshuara nga Bjellorusia kanë goditur një aeroport në qytetin e Zhytomyr, raporton BBC.
Ai në Facebook ka postuar një video dhe ka shkruar:
“Duhet të jemi të përgatitur edhe për pushtues bjellorusë.”
BBC më parë shkroi se i njëjti zyrtar kishte raportuar që raketa u lëshuan nga Bjellorusia në veri të Ukrainës.
Zyrtarët ukrainas dhe rusë do të takohen për bisedime në kufirin Bjellorusi-Ukrainë, tha më herët zyra e presidentit Volodymyr Zelenskiy, pa e cekur kohën e takimit.