Kryebashkiaku i Kharkiv: Mijëra ndërtesa janë dëmtuar në qytet

Gati 170 shkolla dhe kopshte, si dhe 30 për qind e ndërtesave të larta në Kharkiv, janë shkatërruar, tha të shtunën kryebashkiaku i qytetit.

Ihor Terekhov shkroi në një postim në Telegram se disa pika të infrastrukturës, duke përfshirë spitalet, nënstacionet, transportin dhe rrugët ishin ndër ndërtesat e tjera të shkatërruara.

“Ne kemi tetë mijë ndërtesa të larta banimi, 30% e tyre janë deri diku të shkatërruara,” shkroi Terekhov të shtunën, raporton CNN.

Ai tha se ndërsa qyteti po planifikonte të rivendoste ndërtesat e dëmtuara duke përdorur teknologji të re, “shumë prej tyre do të duhet të rindërtohen nga e para”.