Lajçak: Shpresoj që do ketë zgjidhje mes Kosovës dhe Serbisë për targat

I Dërguari i Bashkimit Evropian për dialogun Kosovë – Serbi, Miroslav Lajçak, tha se shpreson që do të ketë zgjidhje të përhershme mes dy vendeve për çështjen e targave, përcjell Shqip.com.

Këto deklarata ai i bëri pas takimit të mbajtur mes Kosovës dhe Serbisë në Bruksel ku është diskutuar për targat e veturave.

Përmes një postimi në Twitter, Lajçak u shpreh se në këtë takim mes dy palëve pati diskutime të thella.

“Sot në Bruksel është mbajtur mbledhja e tretë e Grupit Punues për targa. Delegacionet e ekspertëve të Kosovës dhe Serbisë u angazhuan në një diskutim të thelluar. Kam besim se do të gjejnë një zgjidhje të përhershme për të mirën e qytetarëve të tyre”, shkroi ai./SHQIP.com

Today, the third meeting of the Working Group on Licence Plates took place in Brussels. Expert delegations of Kosovo and Serbia engaged in an in-depth discussion. I am confident that they will find a permanent solution for the benefit of their citizens.

— Miroslav Lajčák (@MiroslavLajcak) December 15, 2021