Lajçak nga Brukseli diskuton skenarët e mundshëm të tensioneve në Veri

Emisari i Bashkimit Evropian për dialogun Kosovë-Serbi, Miroslav Lajçak, është takuar në Bruksel me Gjeneral Majorin Ristuccia.

Lajçak ka shkruar në platformën “X” se me komandantin e KFOR-it ka biseduar edhe për vlerësimet mbi burimet e mundshme të tensioneve të ardhshme në Veri.

Po ashtu, ai e ka falënderuar atë për rëndësinë që e ka KFOR-i në ndërtimin e një mjedisi të sigurt në Kosovë.

”I mirëpritur @NATO_KFOR Komandanti Gjeneral Major Ristuccia sot në Bruksel. Është e rëndësishme të shkëmbejmë shënime mbi zhvillimet në terren dhe të ndajmë vlerësimet tona mbi burimet e mundshme të tensioneve të ardhshme. Mirënjohës për punën jetike të KFOR-it në ndërtimin e një mjedisi të sigurt në Kosovë”, ka shkruar Lajçak.

Welcomed @NATO_KFOR Commander Major General Ristuccia to Brussels today. Important to exchange notes on developments on the ground and share our assessments on potential sources of future tensions. Grateful for KFOR’s vital work in building a secure environment in Kosovo. pic.twitter.com/CPQisgYkth

— Miroslav Lajčák (@MiroslavLajcak) September 5, 2023

KFOR-i është i ngarkuar nga bashkësia ndërkombëtare që të ofrojë siguri në Kosovë.

Gjatë tensioneve në Veri, disa pjesëtarë të këtij misioni janë sulmuar nga protestuesit e dhunshëm serbë.