Kusari: Alarmuese liria e mediave në Kosovë, fajin e ka pushteti

Juristja e mediave, Flutura Kusari, e ka cilësuar alarmuese rënien e Kosovës për 19 vende në indeksin e Lirisë së Mediave.

Ajo ka thënë se me këtë rezultat, vendi ka shënuar edhe një njollë të zezë dhe për këtë ajo fajin ia ka vënë koalicionit qeverisës.

Postimi i plotë:

Alarmuese, alarmuese, alarmuese. Një njollë e zezë është shënuar sot në historinë e re të vendit tonë. Njollë që nuk do të hiqet lehtë. Kosova ka shënuar regres alarmant dhe është renditur 19 vende më poshtë në indeksin e Reporterëve pa Kufij sa i përket lirisë së medias.

Pesë arsyet që kanë çuar në këtë rezultat të turpshëm të qeverisjes së koalicionit VV dhe Guxo janë:

Tentim mbyllja e Klan Kosova

Projektligji për KPM

Sulmet dhe denigrimet online që iu bëhen gazetarëve dhe aktivistëve kur e kritikojnë pushtetin

Emërimi i njeriut te VV-së si drejtor i televizionit në RTK dhe gjunjëzimi (presioni) financiar që po i behet transmetuesit publik

Pasiguria e gazetarëve

Renditja e këtij viti në indeksin e RSF është vlerësimi më negativ që i është bërë Kosovës në dekadën e fundit.

Çfarë rezultati i turpshëm.

E pabesueshme, liria e medias në Kosovë është e ngjashme me atë Bosnje, Serbi dhe Shqipëri.

Wow, just wow.

Kosova ka qenë shembull në rajon.

Liria e medias na ka bërë të gjithëve krenarë si një ndër të arriturat më të mëdha në vendin tonë që nga paslufta. Tani duhet të ndjehemi të turpëruar.

Maqedonia e Veriut – 73.73

Mali i Zi – 73.21

Kroacia – 68.79

Kosova – 60.19

Bosnja dhe Hercegovina – 58.85

Serbia – 54.48

Shqipëria – 54.1