Kurti ngushëllon popullin amerikan pas tornadove shkatërruese

Albin Kurti, kryeministër i Kosovës, ka shprehur ngushëllime për humbje e më shumë se 100 jetërave në SHBA si pasojë e tornadove.

Përmes një postimi në Twitter, Kurti ka falënderuar edhe ekipet e shpëtimit në SHBA.

“Lajm tronditës nga SHBA. Ngushëllimet tona për familjen dhe miqtë e mbi 100 jetëve të humbura në tornadot e Kentakit dhe falënderimet më të sinqerta për reaguesit e parë që e vunë veten në rrezik”, ka shkruar Kurti.

Heartbreaking news out of the USA. Our condolences to the family and friends of the over 100 lives lost in the Kentucky tornadoes and sincerest thanks to the first responders who put themselves in harm’s way.

— Albin Kurti (@albinkurti) December 12, 2021

Çfarë ka ndodhur në SHBA?

Guvernatori i shtetit amerikan të Kentakit ka thënë se më shumë se 100 njerëz u vranë nga tornadot të premten mbrëma.

Dhjetëra njerëz dyshohet se kanë vdekur brenda një fabrike qirinjsh në qytetin Mayfield.

Të paktën pesë njerëz vdiqën pasi tornadot shkaktuan kërdi në shtete të tjera, duke përfshirë një në një magazinë Amazon në Illinois.

Ndërkaq, presidenti amerikan, Joe Biden, ka thënë se Qeveria Amerika qëndron në ndihmë të zonave të prekura. /SHQIP.COM