Kurti i bindur: Zgjedhjet në veri do të mbahen

Kryeministri Albin Kurti, tha se zgjedhjet në veri të dielën do të mbahen, ngase kjo pjesë e vendit ka nevojë për legjitimitet demokratik dhe funksionimin e institucioneve.

Madje ai u shpreh se kanë kontakte të vazhdueshëm me institucionet ndërkombëtare të sigurisë dhe e po bëjnë përgatitjet e nevojshme që procesi të shkojë sipas planit.

“Ne zhvillojmë takimet me institucionet ndërkombëtare të sigurisë dhe po bëjmë përgatitje të domosdoshme që gjithçka të shkojë në mënyrë të ndershme dhe demokratike. Kjo duhet të ndodh për shkak se në njërën anë kemi nevojë për legjitimitet demokratik, por kemi nevojë edhe për funksionim institucional. Kur komunat nuk kanë kryetar ato nuk funksionojnë normalisht”, tha Kurti.

Përveç tjerash, i pari i ekzekutivit ka theksuar faktin se edhe ai vet është pjesë e fushatës që po mbahet për zgjedhjet lokale në veri.

“Takimet e kontakte janë të vazhdueshme këto takime i bëjnë edhe ministrat e linjës, unë si kryetar i VV-së jam në fushatë tash sepse ne i kemi 4 kandidatë për kryetar komunash atje”, tha Kurti.