Koreja e Jugut do të testojë dezertorët e Koresë së Veriut për ekspozim ndaj rrezatimit

Koreja e Jugut njoftoi të enjten se do të kryejë teste të ekspozimit ndaj rrezatimit te njerëzit që kishin ikur nga Koreja e Veriut.

Testet do të fillojnë në maj dhe do të vazhdojnë për gjashtë muajt e ardhshëm për 89 dezertorë që u larguan nga vendbanimet e tyre rreth vendit të testimit bërthamor Punggye-ri të Koresë së Veriut, i cili ndodhet në qarkun Kilju në provincën verilindore të vendit, Hamgyong.

Sipas Yonhap News me bazë në Seul, Pheniani ka “kryer të gjashtë testet e tij bërthamore në vend”.

Ai shtoi se 796 koreano-veriorë “të cilët jetonin në zonat afër Punggye-ri, dezertuan në jug pas shpërthimit të parë bërthamor të Veriut në tetor 2006”.

“Është kuptimplotë të kontrollohet paraprakisht mundësia e ekspozimit ndaj rrjedhjeve radioaktive dhe kushteve të përgjithshme shëndetësore për ata që mund të kenë pësuar dëme nga testet bërthamore të Veriut”, tha një zyrtar i Ministrisë së Unifikimit të Koresë së Jugut.

Pheniani kreu testin e parë bërthamor në vitin 2006. Seuli zhvilloi teste të tilla të ekspozimit ndaj rrezatimit në 40 të larguar nga Koreja e Veriut në 2017 dhe 2018, shkruan Anadolu.

Njoftimi i Seulit për të kryer teste të ekspozimit ndaj rrezatimit ndaj dezertorëve erdhi në të njëjtën ditë kur Koreja e Veriut gjuajti një “raketë balistike me rreze të mesme ose më të gjatë veprimi drejt” Detit Lindor, i njohur gjithashtu si Deti i Japonisë në Tokio.