Kaos në Kuvendin e Shqipërisë, salla mbulohet nga tymi

Nis me tensione edhe kjo seancë plenare e Kuvendit të Shqipërisë. I njëjti skenar si të enjten e kaluar.

Deputeti i PD, Saimir Korreshi ndezi dy tymuese duke bërë që salla të mbulohet nga tymi brenda pak minutash.

I njëjti skenar me saencën e kaluar kur deputeti Ervin Salianji ndezi në foltore flakadanë.

Kryetarja e Kuvendit, Lindita Nikolla përjashtoi Korreshin nga seanca dhe urdhëroi Gardën ta nxirrte atë jashtë. Me kushtet e krijuara në sallë, zhvillimi i debatit dhe diskutimit për rendin e ditës ishte i pamundur.

Seanca e Kuvendit votoi projektligjet dhe mbylli punimet pas vetëm 20 minutash.