Ish-zyrtari i AAK-së paralajmëron publikimin e Draftit të Asociacionit

Ish-zyrtari i Aleancës për Ardhmërinë e Kosovës (AAK), njëherësh ish-kryeinspektori i AKI-së, Burim Ramadani, ka paralajmëruar se do ta bëj publik draftin-evropian për Asociacionin.

Ramadani ka njoftuar përmes kanalit të tij në Youtube se do ta publikoj së shpejti dokumentin e hartuar nga evropianët për Asociacionin.

Ky paralajmërim i Ramadanit vjen pas diskutimeve të shumta rreth Draftit të Asociacionit dhe pas akuzave se ai po mbahet i fshehtë.

Ka qenë kreu i AAK-s, Ramush Haradinaj, që pas takimit me Miroslav Lajcak ka dhënë disa detaje, meqë ka theksuar se e ka parë draftin në tërësi dhe se i njëjti referohet në vazhdimësi Kushtetutës dhe ligjeve të vendit. Gjithashtu ka treguar se në draft gjendet edhe pika për verifikimin e tij në Gjykatë Kushtetuese.