Hovenier uron Kosovën: Partneriteti ynë i fortë si guri, kemi qenë me ju prej fillimit

Ambasadori i SHBA-ve në Kosovë, Jeff Hovenier, përmes një video mesazhi të postuar në Twitter, e ka uruar Kosovën në 15-vjetorin e shpalljes së Pavarësisë.

Ai ka thënë se është nder që të jetë pjesë e historisë së përbashkët të Kosovës e Shteteve të Bashkuara të Amerikës.

Sipas tij, SHBA-ja është krenare për përkrahjen e hershme dhe të qëndrueshme që i ka dhënë Kosovës dhe për partneritetin me popullin e Kosovës.

“Kam pasur privilegjin dhe nderin të jem pjesë e historisë sonë të përbashkët, duke parë Kosovën duke bërë hapa të mëdhenj gjatë 15 viteve të fundit. Shtetet e Bashkuara janë krenare për mbështetjen tonë të hershme dhe të qëndrueshme për dhe partneritetin me popullin kosovar.

Kemi qenë me ju prej fillimi dhe partneriteti ynë mbetet i fortë si guri”, thekson në urimin e tij, ambasadori Hovenier.

Happy Independence Day, Kosovo!
I’ve had the privilege & honor to be a part of our shared history, watching Kosovo make great strides over the past 15 years. The United States is proud of our early and enduring support for & partnership with the Kosovan people. #Kosovo15 pic.twitter.com/lwZK1gN16c

— Ambassador Jeff Hovenier (@USAmbKosovo) February 17, 2023