Gucati çon letër nga burgu për vdekjen e të atit: Plumbi nuk më dha aq dhimbje sa lajmi që nuk më paske pritë
![](https://shqip.com/app/uploads/2022/05/282651114_5300027323391446_8018251168365333747_n.jpg)
“ Babë sot nuk i paske prit shokët si çdo herë tjetër” – kështu nis letra nga ish-kreu i Organizatës së Veteranëve të Luftës së UÇK-së, Hysni Gucati, kushtuar babait të tij tashmë të ndjerë, Avdullah Gucati.
Nga burgu i Gjykatës Speciale në Hagë, Gucati përmes një letre dërguar familjarëve të tij, ka shprehur dhimbjen për humbjen e të atit.
Letrën e Gucatit e ka publikuar në Facebook djali i tij, Musli Gucati.
Letra e plotë:
Letër nga Hysi me rastin e vdekjes së Gjyshit
Babë sot nuk i paske prit shokët si çdo herë tjetër
Me thanë që portreti ytë i priti të dera,të ajo derë e shpisë që sditi kurrë me u mbyll
Që edhe Kur kulluan gjak plagët bashkë i kemi ndrydhë,
Unë plagët e tua e ti plagët e mia
Duke qesh me thojshe kështu bir e don liria
Shumë herë Shokve ni fjalë jau ke thanëTa kisha plumbin që ka Hysi në trup
Kurrë nuk e kisha larguar, kujtim të lirisë e kisha lanë
Eh ta kisha ditë që ky plumb nuk me dha aq dhimbje
Sa dhimbje me dha lajmi që nuk me paske prit
Të kisha shok lufte shok shpirti e shok lirie
Pusho Babë në amshim larg çdo padrejtësie.
29.05.2022.