Gashi për Fahrije Hotin: nder e privilegj që t’kam portretizu në film

Kanë filluar votimet për filmat që do të nominohen për çmimin “Oscars”.

Aktorja Yllka Gashi, u ka bërë thirrje të gjithëve që të përkrahin filmin “Zgjoi”, duke publikuar fotografinë e filmit.

Ndërkaq, vetë aktorja ka zgjedhur një mënyrë për të falënderuar Fahrije Hotin, të cilën e kishte portretizuar edhe në film.

“Fahrije Hoti – kjo grua e çeliktë që nuk u dorëzua para asnjë sfide, që dhimbjen e shndërroi në motiv për punë. Ndërmarrëse e suksesshme, nënë, gjyshe e shoqe e dashur. Inspirim për çdo gjeneratë!”, ka shkruar Gashi.

Aktorja, është shprehur e nderuar e privilegjuar që ka njohur Fahrijen.