Eurodeputeti: Liberalizimi i vizave për Kosovën urgjent dhe i rëndësishëm

Deputeti austriak në Parlamentin Evropian, Lukas Mandl, është shprehur se çështja e liberalizimit të vizave për Kosovën është urgjendje dhe e rëndësishme, transmeton Shqip.com.

Përmes një postimi në Twitter, Mandl, theksoi se Kosova tashmë i ka përmbushur kriteret për liberalizim tash e një kohë të gjatë.

Sipas tij, në programin qeverisës të Qeverisë së re gjermane, “në mënyrë eksplicite përmendet liberalizimi i vizave për Kosovën”.

“Në programin qeverisës të Gjermanisë në mënyrë eksplicite përmendet liberalizimi i vizave për Kosovën. Kjo është urgjente dhe e rëndësishme. Kriteret janë përmbushur për një kohë të gjatë. Parlamenti Evropian dhe Komisioni Evropian kanë rënë dakord prej kohës dhe duhet mbështetje e plotë parlamentare”, ka shkruar Mandl./SHQIP.com

Das Regierungsprogramm in D nennt explizit die #Visaliberalisierung für den #Kosovo. Diese ist dringend & wichtig. Die Kriterien sind lange erfüllt, @Europarl_EN & @EU_Commission haben längst zugestimmt. Hier volle parlamentarische Unterstützung, #Ampel!https://t.co/qhgZk7hSQ2

— Lukas Mandl (@lukasmandl) November 25, 2021