Erjona Ismaili i përmendi takimin e Argitës me Ergys Agasin, Berisha tërheq sulmet ndaj ministres së Ramës: Ishin deklarata politike

Gjatë bashkëbisedimit online me ndjekësit e tij në FB këtë të shtunë, kreu i PD Sali Berisha, ka folur edhe për replikat me ministren e Shtetit Erjona Ismaili të cilat nisën gjatë seancës parlamentare ditën e enjte.

Atë ditë Berisha nëpërmjet një pyetje retorike, eakuzoi ministren Ismaili se, për tu bërë deputete kishte kaluar nga zyra e Ergys Agasit. Më pas ka ardhur edhe kundërpërgjigjia e ministres dhe deputetes, nëpërmjet vetëm një fjalia në faqen e saj zyrtare në FB, pasi ka shpërndarë fjalimin në parlament i cili shkaktoj akuzën e Berishës: Këtu flas për zyrën e Agasit, ku shkova bashkë me Argitën!

Dy ditë më pas, gjatë bashkëbisedimit në FB këtë të shtunë, Berisha është “zbythur” nga akuza e rëndë ndaj Erijin Ismailit duke shpjeguar se, deklarata e tij nuk ka pasur asnjë kuptim tjetër, përveçse politik!

BERISHA: Lidhur me atë zonjën. Paska bërë një koment ajo, nuk ka pasur asnjë kuptim tjetër fjala ime përveçse politik.

Po atyre u shkon mendja mbarë e mbrapsht e pastaj m’i veshin mua ato që unë s’i them.

Jo, sepse atje shkonin ministrat e i thoshin: ‘na e ndërro pak ministrinë’.

Pra, kur flas për zyrën e Agasit, në parlament dhe kudo, unë flas për angazhimin e tij të tmerrshëm në politikë. Këto janë. Gjiknuri? Po ka qenë Gjiknuri.

Një javë shkon në Batoped, në Athos, për të larë gjynahet atje. Nga ana tjetër shkon e futet në zyrën e Agasit.

Atje është shumica. Aty kanë qenë, aty diskutohej e tërë politika, ministrat e brendshëm, aty shkarkoheshin.

Po, po. Shumë e vërtetë.

Ndaj dhe ka vetëm një zgjidhje, vendosni Edi Ramën para drejtësisë.

Nuk ka luftë kundër kriminalitetit të vërtetë në qoftë se Edi Rama nuk shkon në bankën e të akuzuarit.