Deputeti i VV-së: Po të ishin kryeministrat e mëparshëm, sot do mbaheshin zgjedhjet serbe në Kosovë
Shqip
Deputeti nga Lëvizja Vetëvendosje, Agon Batusha, ka shkruar rreth zgjedhjeve që po mbahen në Serbi.
Ai ka shkruar se kryeministrat e qeverive paraprake do të lejonin të mbaheshin këto zgjedhje edhe në Kosovë.
Ai thuri lëvdata për vendimin e Qeverisë, për të mos e lejuar mbajtjen e këtyre zgjedhjeve edhe në Kosovë.
“Po të ishin kryeministrat e mëparshëm, sot do mbaheshin zgjedhjet e Serbisë pa respektuar sovranietit dhe kushtetueshmërinë e Republikës sonë”.
“Por, kjo Qeveri e Lëvizjes VETËVENDOSJE! dhe Kryeministrit Albin Kurti, nuk lejuan që sovraniteti, integriteti dhe kushtetueshmëria e Republikës së Kosovës të cenohet. Dinjitet, sovranitet, Republikë”, shkroi ai.
Sot në Serbi po votohet për të zgjedhur presidentin dhe parlamentin.
Serbia kishte kërkuar që të hapen qendra votimi edhe në Kosovë, por pala kosovare nuk e lejoi këtë pa ardhur direkt një kërkesë nga institucionet qendrore në Serbi te ato qendrore në Kosovë.
Si rrjedhojë e kësaj, Komisioni Rregullativ Qendror i Serbisë, vendosi që komunat si Bujanoc, Rashkë, Kurshumli dhe Tutin – të caktohen si qendra të votimit për votuesit nga Kosova./Shqip.com
