Deklaratat e Gjokoviq përplasin Surroin dhe ministrin Çeku

Publicisti Veton Surroi i ka dalë në mbrojtje tenistit serb, Novak Gjokviq që ka deklaruar se ka dëshirë t’i pagëzojë fëmijët në Kosovë.

Sikurse Surroi nuk kishte menduar edhe ministri i sportit, Hajrulla Çeku.

Ai kishte deklaruar se Gjokoviqi e ka të ndaluar hyrjen në Kosovë për shkak të mos vaksinimit me vaksinat anti-covid.

No-Vax No entry 💉🚷

🇽🇰🇽🇰 https://t.co/gEU5m43lvn

— Hajrulla Çeku (@HCeku) May 17, 2023

Ditë më parë, në një intervistë për të përditshmen italiane “Corriere della Sera”, Gjokoviq ka thënë se ka dëshirë të kthehet në Kosovë për t’i pagëzuar fëmijët e tij, teksa kishte shtuar se Kosova është pjesë e Serbisë.

Deklarata e tij kishte zgjuar kureshtje më të madhe vetëm pas reagimit të ministrit të Ministrisë së Rinisë, Kulturës dhe Sportit në Kosovë, Hajrulla Çeku.

Përmes një postimi në Twitter, Çeku i ishte kundërpërgjigjur shkurt tenistit serb, duke ia bërë të ditur se e ka të ndaluar hyrjen në Kosovë.

“No-Vax No entry”, kishte shkruar Çeku në rrjetin e tij social, Twitter, duke e vendosur edhe flamurin e Kosovës.

Pas reagimeve të shumta nga mediat e ndryshme si dhe kishave ortodokse serbe në Kosovë ka reaguar edhe publicisti i njohur, Veton Surroi.

Surroi i ka dhënë të drejtë Gjokoviqit për shprehjen e dëshirës së tij, duke e bërë të ditur se është e drejtë e gjithsecilit se ku do t’i pagëzojë fëmijët e vet.

Everyone is entitled to baptize her/his children in Kosovo churches. It is @DjokerNole right to choose when and where.
May in his children’s baptism the spirit of Matthew 22:39 be felt: “Thou shalt love thy neighbour as thyself”. https://t.co/V9Vn80D1am

— VetonSurroi (@VSurroi) May 18, 2023

“Çdokush ka të drejtë t’i pagëzojë fëmijët e tij/saj në kishat e Kosovës. Është e drejta e Gjokoviqit për të zgjedhur kur dhe ku. Le të ndihet në pagëzimin e fëmijëve të tij fryma e Mateut 22:39: “Duaje të afërmin tënd si veten tënde”, thuhet në reagimin e Surroit.