Debati/ Rama “përplaset” me deputetët e PS: Doni t’ju çoj në zgjedhje të parakohshme?

Në mbledhjen e grupit të Partisë Socialiste, kryesocialisti Edi Rama ka shprehur pakënaqësinë ndaj deputetëve të tij.

Në momentin kur kryesocialisti ka mbërritur në takimin që u zhvillua në Kryesinë e Kuvendit, ka gjetur pak deputetë të pranishëm.

Ai ka bërë kritika ndaj deputetëve për prezencën dhe u ka sugjeruar të vijnë më herët në mbledhje.

Po ashtu sipas burimeve të Shqip.com, mësohet se Rama ka artikuluar termin e zgjedhjeve të parakohshme.

Në kuadër të mos angazhimit të deputetëve, Rama ka thënë se ”a doni t’ju çoj në zgjedhje të parakohshme”?

Gjithashtu Rama ka kritikuar deputetët për mungesën e tyre në seancat plenare në Kuvend. Kryeministri u ka kërkuar që të jenë të angazhuar jo vetëm në seanca plenare por edhe në komisionet parlamentare.