Çfarë ndodhi në shpërthimin e raketave në Poloni?

Ushtria e Polonisë u vendos në gatishmëri të lartë mbrëmjen e së martës pasi një raketë ra në territorin e saj duke vrarë dy persona.

Ajo erdhi pasi Rusia gjuajti dhjetëra raketa në objektiva në Ukrainë dhe forcat ukrainase u përpoqën t’i rrëzonin ato me raketat e veta – pjesë e sistemit të saj të mbrojtjes ajrore.

Ndërsa autoritetet polake – së bashku me aleatët e NATO-s – përpiqen të vërtetojnë faktet, ekipi i hetimeve me burim të hapur të BBC-së ka analizuar raportet dhe studion imazhet në mediat sociale në përpjekje për të zbuluar më shumë detaje rreth incidentit, raporton BBC.

Ku ishte shpërthimi?

Shpërthimi u raportua fillimisht në mediat polake të martën në mbrëmje, duke përshkruar një shpërthim afër fshatit polak Przeëodoë, rreth 6 km (4 milje) nga kufiri ukrainas.

Raportet fillestare thanë se raketa kishte rënë pranë një zone të një ferme ku punonjësit ngarkonin dhe peshonin grurin, duke shkatërruar një ndërtesë aty pranë.

Ne ekzaminuam imazhet satelitore (të cilat tregonin vetëm një fermë në fshat) dhe i referuam ato me fotografi të marra në nivelin e tokës të mërkurën në mëngjes për të gjetur vendndodhjen – gjë që është konfirmuar nga autoritetet polake.

Imazhet nga vendi i shpërthimit gjithashtu filluan të qarkullojnë në mediat sociale vonë të martën, duke treguar një krater dhe një traktor dhe rimorkio të dëmtuar.

Një tjetër foto që qarkulloi në mediat sociale mbrëmjen e së martës – e cila u shpërnda gjerësisht – tregon një fragment nga një raketë që pretendohej se ishte gjetur në vendngjarje.