Bota i jep lamtumirën Papa Françeskut, nis riti i varrimit të Atit të Shenjtë!

Bota i jep sot lamtumirën e fundit Papa Françeskut, i cili u nda nga jeta në Romë, më 21 Prill, në moshën 88-vjeçare.

Riti për varrimin e Atit të Shenjtë ka filluar ndërsa kanë rënë këmbanat në sheshin e Shën Pjetrit.

Arkivoli me trupin e pajetë të Papa Françeskut u vendos në sheshin e Shën Pjetrit teksa besimtarët duarokitën.

Kapaciteti maksimal prej 50.000 njerëz, që do ndjekin funeralin solemn të Papa Françeskut, në Sheshin e Shën Pjetrit është arritur.

100 mijë njerëz raportohet se ndodhen në Via della Conciliazione. Dekani i Kolegjit të Kardinalëve, Kardinali Giovanni Battista Re, kryeson ceremoninë.

Në anën e djathtë të oborrit të kishës, ku ndodhet statuja e Shën Pjetrit ndodhen kardinalët, peshkopët dhe priftërinjtë. 

Të paktën 160 delegacione të krerëve të shteteve dhe qeverive nga e gjithë bota kanë mbërritur në Vatikan.