Boksierja kontraverse algjeriane, shkatërron tajlandezen, siguron finalen

Debatet mbi Imane Khelif nuk kanë fund, janë prezent në çdo media botërore, por boksierja algjeriane nuk di të ndalet, vijon të dominoj boksin e femrave në Paris.

Imane premtoi pak ditë më parë se mënyra më e mirë për t’iu përgjigjur të gjithë zërave është të fitojë në ring, këtë e bën sërish, këtë herë duke siguruar një vend për në finalen e madhe.

Boksierja algjeriane mposhti tajlandezen Janjaem Suwannapheng në një duel ku e dominoi totalisht nga fillimi deri në raundin e tretë. Në kategorinë 66 kg, Imane synon tani medaljen e artë në finalen e 9 gushtit.