Binak Kelmendi / Baba dhe Nana 

Nuk po shoh mirë

Dhe nuk po tiej mirë

Thoshte Baba 

Pasi mbaronte këngën kreshnike

Na qorrove

Na shurdhove

Me këto ka’gë

Luftë luftë

Shpatë shpatë

Kobure kobure

De’i kur ma.  

Qortonte Nana

Vonë e mora vesh

Ç’kishte dashur të thoshte Baba

Dhe pse nuk pajtohej Nana

“Unë  s’ e njihja Serbinë”

Më padisnin të dy…   

Baba i ka veshët e hollë si letër duhani 

dhe sheh shumë përtej Çakorrit

Thoshte Nana

Dhe pastaj bënte me vetullë

E Baba dilte në oborr

***

Binak Kelmendi është prozator, përkthyes, publicist e poet i njohur shqiptar.

Kelmendi është autor i romaneve “Vezët e Vdekjes” (Dukagjini, 2001), “Guri i Vashës” (Koha, 2012), “Portat e Pejës”, (Koha, Shpërblim i ‘Rexhai Surroi’, 2014), “Rruga 66”, (PEN Qendra e Kosovës, 2018) dhe i përmbledhjeve me tregime “Rozafa” (Rilindja, 1990), “Ofelia e Dukagjinit” (Rozafa, 2004), “Dritat e Luftës” (PEN Qendra e Kosovës, 2020), “Demë Dedë Boga” (Koha, 2023).

Po ashtu, Kelmendi është kryetar i PEN Qendrës së Kosovës.