BE kërkon marrëveshje për embargo të naftës ruse teksa Hungaria nuk pajtohet

Plot 27 liderë të shteteve të Bashkimit Evropian u mblodhën të hënën në një samit në Bruksel për të diskutuar rreth embargos së naftës ruse.

Presidentja e Komisionit Evropian Ursula von der Leyen tha se BE-ja “nuk është ende atje” në lidhje me një marrëveshje për një paketë të gjashtë sanksionesh.

“Nuk ka qenë kurrë e lehtë. Është e njëjta gjë tani me paketën e gjashtë,” u tha ajo gazetarëve, raporton BBC.

“Pritjet e mia janë të ulëta që do të zgjidhet në 48 orët e ardhshme. Por kam besim se më pas do të ketë një mundësi,” tha ajo.

Hungaria, e cila mbështetet shumë në naftën ruse, është kundërshtari kryesor i ndalimit të importeve.

“Komisioni Evropian është fajtor për mungesën e progresit në sanksionet e naftës ndaj Rusisë”, u tha gazetarëve kryeministri hungarez Viktor Orban.

Orban tha gjithashtu se ai do të pajtohej me propozimet e fundit të Bashkimit Evropian për sanksione kundër Rusisë vetëm nëse gjenden zgjidhje për të garantuar fillimisht furnizimin me energji të vendit të tij.

Orban tha se i duheshin garanci se vendi i tij mund të blinte naftë nga deti nëse dërgesat ruse ndalonin.

Përndryshe, BE kërkon miratimin e të gjitha vendeve anëtare për të vendosur sanksionet, pavarësisht se i shpalli ato gati një muaj më parë. /Shqip.com