Basha – Berishës pas shkarkimit: Fole me tezat e Ramës, koha do të jetë ilaçi më i mirë
Shqip
Kryetari i Partisë Demokratike, Lulzim Basha, tha se ish-deputeti i kësaj partie, Sali Berisha është larguar nga PD për shkak se kishte folur me tezat e kryeministrit, Edi Rama.
Para mediave, Basha tha se ka ndjekur me dhimbje reagimin e Berishës pasi ai u largua nga PD, duke thënë se shpreson që koha të jetë ilaçi më i mirë për të.
“Kam ndjekur me dhimbje reagimin e doktor Berishës, konsideratën për të cilin e kam shprehur një ditë më parë. Dhimbjen që ndjej në nivel personal dhe njerëzor m’u dyfishua sot nga gjuha e përdorur nga z.Berisha, por shpresoj që koha të jetë ilaçi më i mirë dhe të gjithë të fokusohemi te armiku më i madh, që është regjimi”, tha Basha.
Kurse, pas largimit të tij nga kryetari i PD-së, Berisha iu drejtua Bashës me akuza të rënda.
Sipas tij, Basha ka një marrrëveshje me Edi Ramën dhe shumë shpejtë në PD do të fillojë një lëvizje statutore dhe ligjore për rikthimin e saj.
Ndryshe, të enjten, kryetari i PD-së, Lulzim Basha, vendosi që të përjashtojë ish-kryeministrin e Shqipërisë dhe deputetin e kësaj partie, Sali Berisha./Shqip.com
