Artikulli i “The Sun” për Alex Vishayn: I deportuar si kriminel, sfidon Anglinë, kthehet dhe reklamon jetën luksoze

Mediat britanike duket se nuk po heqin dorë nga shqiptarët dhe së fundmi kanë publikuar një shkrim për personazhin e njohur të rrjeteve sociale Aleks Vishaj.

The Sun raporton se 33-vjeçari u deportua nga Britania e Madhe në vitin 2021 për t’u përballur me akuzat për vjedhje dhe dëmtim kriminal në Gjermani. Ai kreu tre muaj burg në Gjermani përpara se të kthehej në Shqipëri, kur duhej të ishte ndaluar nga Britania pas një goditjeje kriminale.

Por tani ai është bërë edhe më i guximshëm, duke e quajtur veten “Mbreti i TikTok” në faqen ku ai mburret se jeton si një yll rock në Mbretërinë e Bashkuar.

Aleks Vishaj pretendon se ka hequr dorë nga krimi dhe këmbëngul se financon stilin e jetës së tij me shampanjë si lojtar profesionist pokeri, videograf. Ai shihet duke reklamuar rroba të shtrenjta dhe një Lamborghini Gallardo Spyder të regjistruar në Britani me vlerë 70,000 £, shkruan voxnews.

Vishaj postoi një video javën e kaluar nga një apartament luksoz në Londër, duke bërë thirrje për mbështetje nga bashkëqytetarët shqiptarë në një lojë online Tik Tok.

Ai besohet se ka përdorur një pasaportë false për të fluturuar përsëri në MB pasi kishte hyrë legalisht në një vend të BE-së.

I riu shqiptar është një nga shumë kriminelët shqiptarë, shkruan “The Sun”, të cilët sfidojnë autoritetet angleze.

Bandat shqiptare kanë ardhur në Britaninë e Madhe gjatë dy dekadave të fundit, duke marrë nën kontroll tregun e kokainës në vend. Modeli i tyre i biznesit bazohet në të qenit ‘të lirë dhe të shpejtë’”.