Arrestohet shoferi që goditi dy këmbësorë në Veternik, një nga ta nuk mbijetoi
Shqip
Një person është arrestuar pasi aksidentalisht shkeli me veturë dy persona, një burrë si dhe një grua, të dielën në Prishtinë.
Kjo e fundit, 57 vjeçare nuk arriti t’i mbijetonte lëndimeve që mori – kështu ka vdekur në Qendrën Klinike Universitare të Kosovës.
Për këtë ka raportuar edhe Policia në raportin ditor, të hënën.
“Me vendim të prokurorit, trupi i pa jetë i viktimës është dërguar në Institutin për Mjekësi Ligjore”, thuhet në raport.
Të dielën rreth orës 17:30, në lagjen Veternik në Prishtinë, ka ndodhur një aksident trafiku, ku për pasojë një person (këmbësore) ka vdekur.
Ndërkaq, tjetri ka marrë lëndime trupore.
Lajmi ishte konfirmuar nga zëdhënësja e Policisë së Kosovës për Rajonin e Prishtinës, Flora Ahmeti. /Shqip.com
