Arrestohen tre persona, dëmtojnë një flamur në Graqanicë

Policia e Kosovës, ka njoftuar se ka arrestuar tre persona të dyshuar për veprën  “Asgjësim apo dëmtim i pasurisë”.

Policia ka njoftuar se pas pranimit të  informatës lidhur me dëmtimin e një flamuri në Graqanicë, që dyshohet të ketë ndodhur në orët e hershme të mëngjesit, policia menjëherë ka nisur një hetim i cili ka rezultuar me  identifikimin dhe arrestimin e  tre personave të dyshuar.

Ndaj personave të dyshuar: E.B, mashkull, 22 vjeç, Sh.V. mashkull, 22 vjeç dhe E.G, mashkull, 31 vjeç, është hapur rast, për veprën penale “Asgjësimi apo dëmtimi i pasurisë”.

Ndërsa, hetuesit po kryejnë procedurat e nevojshme hetimore në  koordinim me prokurorinë përkatëse.