Arrestimi i Ervin Matës në Brazil/ Po pushonte në një lokal në Sao Paolo, nuk bëri rezistencë

Ervin Mata është arrestuar në Brazil, ndërsa autoritetet shqiptare kanë nisur procedurat për rikthimin e tij në vend.

Detaje të reja janë zbuluar në lidhje me arrestimin e tij.

39-vjeçari po pushonte në një lokal në qytetin e Sao Paolo, në një zonë turistike.

Sipas burimeve, Mata nuk bëri rezistencë, por iu deklarua autoriteteve si paraguaian.

Mata rezulton i shpallur në kërkim ndërkombëtar nga SPAK që prej vitit 2023 për përfshirje në trafikun e sasive të mëdha të kokainës dhe drejtim të një grupi të strukturuar kriminal që vepronte në disa shtete.