Ja çfarë zbuluan studiuesit në katedralën Notre-Dame

Kapëse të mëdha hekuri janë gjetur në punimet me gurë të Katedrales Notre-Dame midis mureve, kolonave dhe tribunave.

Një studim i kohëve të fundit, zbuloi se për shkak të elementeve kryesore, Notre-Dame mund të jetë edhe më domethënëse se ç ‘mendonin ekspertët.

Studiuesit përdorën një metodë datimi të bazuar në radiokarbon për të përcaktuar se elementët e hekurit ishin nga ndërtimi origjinal i monumentit 800-vjeçar. Historianët kanë menduar prej kohësh se pjesët metalike janë shtuar gjatë rinovimeve në shekujt 18 dhe 19.

Ky zbulim e bën Notre-Dame “katedralen e parë gotike të njohur ku hekuri u përdor masivisht si një material ndërtimi i duhur për të lidhur gurët”, vërejnë studiuesit.

“Ndërsa ndërtesat e tjera përdorën shufra lidhëse prej druri të shtrirë midis harqeve, mjeshtri i parë i ndërtimit të Notre-Dame de Paris bëri zgjedhjen e guximshme të një sistemi duke përdorur një material më të qëndrueshëm që mund të fshihej më lehtë.”

Me leje, ekipi hoqi disa nga elementët kryesorë për t’i ekzaminuar më nga afër dhe zbuloi se ato peshojnë nga katër e gjysmë deri në nëntë kilogramë secila dhe janë afërsisht 8 deri në 20 inç të gjatë. Për më tepër, studiuesit zbuluan “se disa copa hekuri, ndonjëherë nga origjina të ndryshme, ishin ngjitur së bashku për të formuar çdo element kryesor”.

Është e paqartë pse u përdorën metale të ndryshme, por kjo mund të pasqyrojë kohëzgjatjen e përgjithshme të projektit, i cili mori më shumë se gjysmë shekulli për të përfunduar fillimin në 1163.