Adriana Matoshi ironizon me banorët e “Big Brother VIP”
Shqip
Spektakli i njohur “Big Brother VIP” ka tashmë një muaj që ka filluar transmetimin.
Së fundmi aktorja dhe deputetja, Adriana Matoshi përmes rrjeteve sociale ka treguar për publikun se ndjek spektaklin e famshëm në Shqipëri.
Ndërkohë, Monika, Iliri dhe Sabiani janë më të komentuarit e ditës në Big Brother Vip, kjo për faktin se ata po komunikojnë fshehurazi me njëri-tjetrin.
Aktorja Adriana Matoshi ka ironizuar me banorët përmes një postimi në storien e saj në Instagram.
“Qe 25 vjet kam shoqëri edhe kurrë nuk mirrem vesh me sy e me kode. Zot me jep aftësinë e Monikës, Ilirit dhe Sabianit”, ka shkruar ajo.
Të martën është mbajtur spektakli “Big Brother VIP” ku hynë tri banore të reja: Beatrix Ramosaj, Sarah Berisha dhe Einxhel Shkira.
Ndërkohë këtë vit, moderatorja, Arbana Osmani bën me dije se çmimi i dhuruar do të jetë jo më pak e as më shumë se sa 100 mijë euro të plota./SHQIP.com
