Video: “Abeja” – heroi historik po përjetësohet nga skulptori Gëzim Muriqi
Shqip
Një ndër figurat historike të Kosovës, por jo vetëm, Bekim Berisha po përjetësohet mjeshtërisht nga skulptori Gëzim Muriqi.
Berisha ishte një ushtar i Kosovës i njohur si “Abeja”, ai shërbeu edhe në Ushtrinë Kroate dhe në Bosnjë.
Projekti erdhi pas një konkursi të propozuar nga Kuvendi Komual i Pejës, në të cilin Muriqi u zgjodh fitues.
Përgatitja apo modelimi i skulpturës së “Abesë”, sipas Gëzim Muriqit, ka zgjatur rreth një muaj.
Skulpturat janë të dimensioneve prej tri metrave secila.
Po ashtu ky konsiderohet si Kompleksi memorial më i kushtuar në Kosovë, me vlerë prej 260 mijë eurove.
Kompleksi Memorial pritet të ekspozohet para publikut brenda vitit kalendarik, në ditën e Çlirimit të Pejës vitin e ardhshëm.
