513 raste të reja me COVID-19 në Kosovë

Ministria e Shëndetësisë ka njoftuar se vetëm në 24 orët e fundit janë konfirmuar 513 raste të reja me COVID-19 në Kosovë.

Duke u bazuar në të dhënat e Institutit Kombëtar të Shëndetit Publik të Kosovës, në Kosovë janë 9.464 raste aktive me COVID-19.

Megjithatë, gjatë këtij 24 orëshi janë shëruar 1.287 qytetarë.

Vaksinimi i qytetarëve është duke vazhduar, por në 24 orët e fundit nuk është dhënë asnjë dozë e vaksinës.

MSH-ja ka rekomanduar që të gjithë personat mbi moshën 60 vjeçare të vaksinohen me dozën e katër të vaksinës kundër COVID-19. Andaj, me dozën e katër të vaksinës janë vaksinuar 1.356 qytetarë.

Kurse, personat mbi moshën 12 vjeçare rekomandohen nga MSH-ja që të vaksinohen deri në dozën e tretë përforcuese.

MSH-ja miraton vaksinimin kundër COVID-19 të fëmijëve mbi pesë vjet

Së fundi, MSH-ja ka miratuar edhe vaksinimin e fëmijëve mbi pesë vjet, saktësisht grupmoshës 5-11 vjet që të vaksinohen. Dozat e lejuara për fëmijët mbi pesë vjet janë e para edhe e dyta.

Kujtojmë se MSH-ja se bashku me IKSHPK-në ka rekomanduar qytetarët që të iu përmbahen masave preventive kundër COVID-19 si dhe është theksuar mbajtja e maskave në ambiente të mbyllura.

Lexo edhe:

Certifikata digjitale e vaksinimit kundër COVID-19 e Kosovës, funksionale edhe në vendet e BE-së

Vlen të theksojmë së nga kjo ministri, së fundi është bërë e ditur se edhe certifikata digjitale e vaksinimit në Kosovë është e funksionale në të gjitha pikat hyrëse në vendet e Bashkimit Evropian./Shqip.com