21 punëtorë shpëtimi u vranë dhe 47 të tjerë u plagosën nga bombardimet në Ukrainë
Njëzet e një punëtorë shpëtimi ukrainas janë vrarë dhe 47 janë plagosur deri më tani për shkak të granatimeve nga trupat ruse.
Këtë e ka bërë të ditur Nënkryetari i Shërbimit Shtetëror të Emergjencave të Ukrainës, Roman Prymush, gjatë një konference për shtyp, shkruan CNN
“Sipas Konventës së Gjenevës, granatimet apo kërcënimet e tjera për shpëtimtarët në momentin e operacioneve të shpëtimit konsiderohen si krim lufte”, ka thënë Prymush.
“Të gjitha këto raste i regjistrojmë, materialet për secilën prej tyre i kalojnë organeve përkatëse, të cilat do të bëjnë një vlerësim ligjor. për veprime të tilla, do të identifikohen autorët e përfshirë”, ka thënë tutje ai.
Ai vuri në dukje se ndalimi i shpëtimtarëve nga forcat ruse është gjithashtu një shkelje e Konventës së Gjenevës.
Prymush shtoi se do të jetë objekt i procedimeve në gjykatat ndërkombëtare, të cilat tashmë janë duke u zhvilluar.