17-vjeçarit i sekuestrohet një armë pa leje
Shqip
Një 17-vjeçarit në Vushtrri i është sekuestruar një armë mbrëmë pa leje.
Policia e Kosovës ka njoftuar se i dyshuari është shoqëruar mbrëmë në stacionin e policisë.
“Në orët e mbrëmjes së datës 06 qershor 2022, Policia në Vushtrri ka sekuestruar një armë. Sekuestrimi i armës është realizuar në rrugën “Marin Barleti” në Vushtrri, ku gjatë kontrollit të detajuar te i dyshuari i është gjetur dhe sekuestruar një armë e llojit pistoletë për të cilën i dyshuari nuk posedonte leje. I dyshuari E M., 17vjeçar, është shoqëruar në stacionin policor dhe pas procedurave intervistuese me urdhër të prokurorit të rastit është liruar në procedurë të rregullt”, thuhet në njoftim.
PK ka bërë të ditur se ndaj tij është iniciuar rast për veprën penale “Mbajtje në pronësi, posedim dhe kontroll të paautorizuar të armëve”./Shqip.com
